०८ साउन २०८३, शुक्रबार
इन्डियन प्रिमियर लिग (आईपीएल) २०२३ अन्तर्गत बिहीवार राति भएको खेलमा रोयल च्यालेन्ज बैंगलोरलाई ८१ रनले हराउँदै कोलकाता नाइट राइडर्सले पहिलो जीत निकालेको छ ।
कोलकाताले शुरूमा ब्याटिङ गरेर २० ओभरमा ७ विकेट गुमाउँदै २०४ रन बनायो । जवाफमा बैंगलोरको टीम १२३ रनमा ‘अल आउट’ भयो ।
बैंगलोरका क्याप्टेन फाफ डुप्लेसी र विराट कोहलीको ब्याटिङले शुरूआती ४ ओभरमा ४२ रन बनेका थिए । पाँचौं ओभरमा सुनील नरेनले विराटलाई आउट गरेपछि बैंगलोरले पूर्ववत् प्रदर्शन गर्न सकेन । विराटले १८ बलमा २१ रन बनाएका थिए ।
कोलकाताका शार्दुल ठाकुरले २० बलमा अर्धशतक बनाएर टीमलाई जिताएका छन् । ठाकुरको अर्धशतककै योगदानले बैंगलोरसामु २०५ रनको लक्ष्य बनेको थियो ।
