१७ असार २०८३, बुधबार
झापा जिल्लाको मेचीनगर नगरपालिका–७ स्थित पूर्वपश्चिम लोकमार्गको निन्दा पुल नजिकबाट बुधवार सशस्त्र प्रहरीले १६ लाख ८९ हजार ५० रुपैयाँ बराबरको चोरीपैठारीको सामान र गाडी नियन्त्रणमा लिएको छ ।
सशस्त्र प्रहरी बल नेपाल नम्बर २ गण झापाले इलेक्ट्रिक सामान र मोटरपार्टस्सहित भारतबाट नेपालतर्फ आउँदै गरेको डब्लुबी ७४ एटी ३९४० भारतीय नम्बरको गाडी नियन्त्रणमा लिएको सशस्त्र प्रहरी नायब उपरीक्षक शैलेन्द्र थापाले जानकारी दिए ।
गाडीमा सामानको प्रज्ञापनपत्र नभएको र गाडीको सुविधा ईजाजतपत्र समेत नभएको फेला परेपछि सामान र गाडी नियन्त्रणमा लिइएको हो ।
नियन्त्रणमा लिइएको सामान र गाडी भन्सार कार्यालय काँकडभिट्टामा बुझाइएको छ ।
