सरकारले बजेटमार्फत सुनमा १७ प्रतिशत कर बढाएको छ । 

सरकारले सुन र चाँदीमा १५ प्रतिशत भन्सार र २ प्रतिशत विलासिता कर थप गरेसँगै अब प्रतिकेजी सुनको भन्सार १० लाख हाराहारीमा पुगेको छ । 

हालसम्म नेपालमा प्रतिकिलो सुनमा ८ लाख ५० हजार रुपैयाँ र प्रतिकिलो चाँदीमा ८ हजार ५ सय भन्सार लाग्दै आएको छ ।

अब एक किलो सुनमा लाग्ने भन्सार नै ९ लाख ९४ हजार ५ सय रुपैयाँ पुग्ने भएको छ । 

बजेटले सुनचाँदीको आयातमा लाग्ने भन्सार दरमा ५० प्रतिशत वृद्धि गरेको हो । सरकारको यो व्यवस्थाले समग्र सुनचाँदी व्यवसायीलाई मात्र नभई आम उपभोक्तालाई समेत चर्को मार पर्ने नेपाल सुनचाँदी व्यवसायी महासंघका अध्यक्ष माणिकरत्न शाक्यले बताए ।

अहिले पनि नेपालमा भन्दा अन्य देशमा सुन प्रतितोला १५ हजार सस्तो रहेको उनको भनाइ छ ।