०७ असार २०८३, आइतबार
तनहुँको व्यास नगरपालिका–४ स्थित चिहानडाँडा नजिकको नालामा बोराभित्र मृत फेला परेकी महिलाको सनाखत भएको छ ।
मंगलवार बिहान चिहानडाँडास्थित सुवर्ण कच्ची सडकको कुनामा रहेको ढलको पानीका लागि बिछ्याइएको ह्युमपाइपमा बोराभित्र फेलापरेकी अन्दाजी २५–३० वर्षीया महिलाको सनाखत भएको जिल्ला प्रहरी कार्यालय तनहुँले जनाएको छ ।
प्रहरी नायब उपरीक्षक मोहनबहादुर खाणले मृतक महिला व्यास नगरपालिका–१४ छाब्दी निवासी रहेको जानकारी दिए । घटनामा प्रहरीले १ जनालाई पक्राउ गरी अनुसन्धान गरिरहेको छ ।
उनले भने, ‘लगभग सनाखत भएको छ, १ जनामाथि अनुसन्धान गरिरहेका छौं । पूरा विवरण आज दिउँसोसम्ममा सार्वजनिक गर्छौं ।’
अनुसन्धान प्रक्रियाका कारण मृतक महिलाको नाम र पक्राउ परेका व्यक्तिको नाम अहिले सार्वजनिक नगरिएको प्रनाउ खाणले बताए । बोराभित्र हात बाँधिएको अवस्थामा ती महिला मृतावस्थामा फेला परेकी थिइन् ।
बाटो हिडडँुल गर्ने स्थानीयले गन्ध आएपछि प्रहरीलाई खबर गरेका थिए ।
