संघीय संसदको संसदीय सुनुवाइ समितिले प्रधानन्यायाधीशका लागि प्रस्तावित हरिकृष्ण कार्कीको नाम अनुमोदन गरेको छ । 

सिंहदरवारमा आज (शुक्रवार) बसेको सुनुवाइ समितिको बैठकले प्रधानन्यायाधीशका लागि प्रस्तावित कार्कीको नाम सर्वसम्मत अनुमोदन गरेको समिति सभापति पशुपति शमशेर जबराले जानकारी दिए ।

गत वैशाख २५ गते संवैधानिक परिषद् बैठकले कार्कीलाई प्रधानन्यायाधीश नियुक्तिका लागि सिफारिस गरेको थियो । संसदीय सुनुवाइ समितिले कार्कीविरुद्धको उजुरीउपर सुनुवाइपश्चात आज उनीसँग सवाल जवाफ गरेको थियो ।

योसँगै राणालाई प्रधानन्यायाधीश बन्ने बाटो खुलेको छ । संसदीय सुनुवाइ समितिबाट अनुमोदन भएपछि राष्ट्रपतिले प्रधानन्यायाधीश नियुक्त गर्ने संवैधानिक प्रावधान छ ।

आगामी साउन २० गतेबाट अनिवार्य अवकाशमा जाने उनी छोटो समयका लागि प्रधानन्यायाधीश बन्ने भएका हुन् । प्रधानन्यायाधीश अनिवार्य अवकाशमा जानुभन्दा एक महिनाअघि बिदामा बस्ने चलन छ।