०९ असार २०८३, मंगलबार
कैलालीको मोहन्याल गाउँपालिका अध्यक्ष देवीदत्त उपाध्याय 'हिमशिखरले' श्रमदान महाअभियान शुरू गरेका छन् ।
'म बनाउँछु मेरो मोहन्याल' नारा दिएर शुरू गरिएको अभियान आगामी आर्थिक वर्षको नीति तथा कार्यक्रममा समेत समावेश गरिने उनले बताए । 'म बनाउँछु मेरो मोहन्याल मूल नाराका साथ श्रमदान महाअभियान आव २०८०/०८१ को नीति तथा कार्यक्रममा समेत प्राथमिकताका साथ आउनेछ,' उनले भनेका छन् ।
देखाउन मात्र नभई मोहन्याल बनाउने उद्देश्यले अभियान शुरू गरिएको उनले बताए । अब साताको एक दिन सबै जनप्रतिनिधिले अनिवार्य श्रमदान गर्नेगरी योजना बनाउने उनले बताए । आफू सातामा एक दिन प्रत्येक वडामा श्रमदानमा जाने उनले जानकारी दिए ।
उनले आफैंबाट अभियानको थालनी गरेका छन् । बुधवार उनले वडा नम्बर ४ स्थित शान्तिपुर खानेपानी योजनामा श्रमदान गरेर अभियानको शुरूआत गरेका हुन् ।
