११ साउन २०८३, सोमबार
प्रतिनिधि सभाबाट विनियोजन विधेयक बहुमतले पारित भएको छ । बुधवार बसेको प्रतिनिधि सभा बैठकमा भएको मतविभाजनमा विधेयक बहुमतले पारित भएको हो ।
बजेटको पक्षमा १४७ र विपक्षमा १०८ मत पर्यो ।
बैठकमा उपस्थित संख्याको बहुमतले विधेयक पारित हुने संसद् नियमावलीको व्यवस्था छ ।
मत विभाजन हुँदा संसद्मा २५५ जना सांसद उपस्थित थिए ।
अर्थमनत्री डा. प्रकाशशरण महतले विधेयक पारित गरियोस् भनेर प्रस्ताव राखेपछि सभामुखले निर्णयार्थ पेश गरेका थिए । सभामुख देवराज घिमिरेले ध्वनी मतका आधारमा विधेयक बहुमतले पारित भएको घोषणा गरेसँगै एमालेले मतविभाजन माग गरेको थियो ।
प्रतिनिधि सभामा भएको मतविभाजनमा विधेयकको पक्षमा बहुमत जुटेको थियो । बजेटको मूल विधेयकको रूपमा विनियोजन विधेयक पारित भए पनि अर्थविधेयकहरू भने पारित हुन बाँकी छ ।
प्रतिनिधि सभाबाट पारित भएको विधेयक राष्ट्रिय सभाबाट पारित भएपछि मात्र बजेट कार्यान्वयनमा जानेछ । असार मसान्तअगावै यी विधेयकहरू पारित गर्नुपर्ने संवैधानिक बाध्यता छ ।
