मंसिर १४, २०८०
नारायण रायमाझी निर्देशित चलचित्र ‘परदेशी २’को प्रदर्शन नेपालमा अझै जारी छ । चलचित्रले शनिवार प्रदर्शनको ५१ दिन पूरा गर्दैछ । प्रकाश सपूत, केकी अधिकारी र वर्षा शिवाकोटी स्टारर यो चलचित्र...
काठमाडाैं | असार १५, २०८०
नेपालमा फरक–फरक खालका फिल्म कमै बन्छन् । एउटा फिल्म चल्यो भने त्यस्तै फिल्म बनाउने होडबाजी जो चल्दै आएको छ ।
पछिल्लो समय कमेडी फिल्मको वर्चश्व देखिएको अवस्थामा क्राइम, थ्रिलर फिल्म पनि कमै बन्ने गरेका छन् ।
व्यावसायिक सफलताको सम्भावना कम हुने बुझाइले पनि जोखिम मोल्न निर्माताहरू हत्तपत्त तयार हुँदैनन् ।
यस्तोमा बिहीवारदेखि सस्पेन्स–थ्रिलर जनरामा बनेको फिल्म ‘परस्त्री’ प्रदर्शनमा आएको छ ।
त्यसो त यस प्रकारका बलिउड फिल्म हामीले धेरै हेरिसकेका हुन सक्छौं, यद्यपि नेपाली फिल्मको सन्दर्भमा दर्शकले अलग र नयाँ स्वादको फिल्म हेरेको आभाष ‘परस्त्री’बाट गर्न सक्छन् ।
रेडियो कार्यक्रमबाट स्रोतामाझ परिचित आभ्या (शिल्पा मास्के)ले परिवारले खोजिदिएको केटा विश्वास (कोशिश क्षेत्री)सँग विवाह गरेको हुन्छिन् । तर, विश्वाससँग उनको दाम्पत्य जीवन सुखसँग बितिरहेको हुँदैन ।
कारण, शारीरिक सम्बन्ध राख्नमा विश्वासको आफ्नै खालको सोख छ । उनको ‘साइको’ खालको चरित्रचित्रण फिल्ममा गरिएको छ ।
विश्वासका कारण आभ्याले यातना महसूस गरिरहेकी हुन्छिन् । सोही कारण विश्वाससँग डिभोर्सको मनस्थितिमा पुग्छिन्, आभ्या ।
यही बेला जिमखानामा भेटिन्छन्, आर्यन । प्रेमिका (उषा)सँग विवाहको तयारीमा रहेका आर्यन आभ्यासँग पनि नजिकिन्छन् ।
विश्वाससँग सम्बन्धविच्छेद गरिनसकेकी आभ्याको दुवैतिर (विश्वास र आर्यानसँग) को सम्बन्ध कसरी अगाडि बढ्छ भन्ने पेरिफेरिमै यो फिल्म बनेको छ । अनेक ‘सस्पेन्स’ जगाउँदै फिल्मले २ घण्टाको समय बिट मार्छ ।
‘परस्त्री’ले दर्शकलाई कौतुहलतासँगै डर पनि पैदा गर्न सफल छ । यो फिल्ममा बदलाको कथा समेत छ । खासमा यो फिल्मलाई परपुरुष वा परस्त्रीमाथि आँखा लगाउँदा त्यसले निम्त्याउन सक्ने परिणामको कथा भन्न सकिन्छ ।
यसमा ‘चुम्बन’ र ‘बेड सिन’का केही दृश्यहरू छन्, जुन नेपाली फिल्ममा बिरलै पाइन्छ । यस्ता दृश्यमा निर्माण टीम अलि बढी नै उदार देखिएको छ ।
निर्देशकको रूपमा अलग पहिचान बनाएका दीपेन्द्र के. खनाल यस फिल्मका लेखक हुन् । फिल्मलाई निर्देशन भने सुरज पाण्डेले गरेका छन् ।
सुरजको डेब्यु निर्देशन भएपनि उनको काममा खोट लगाउने ठाउँ धेरै देखिँदैन । दीपेन्द्रको लेखनलाई सुरजले न्याय दिएका छन् ।
कलाकारहरू शिल्पा, कोशिश र गौरव आफ्नो भूमिकामा फिट देखिएका छन् । निरज कंडेलले छायांकनमा दोष लगाउने ठाउँ छाडेका छैनन् । फिल्ममा केही कमीकमजोरी भने अवश्य महसूस हुन्छ ।
ब्याकग्राउन्ड स्कोर कतिपयलाई अलि लाउड पनि लाग्न सक्छ । यद्यपि, थ्रिलर फिल्ममा दर्शकमा डर पैदा गर्नका लागि पनि ब्याकग्रान्ड स्कोर अलि ‘लाउड’ नै प्रयोग गर्ने गरिएको छ ।
आभ्या र आर्यनको जिमखानाबाट भएको निकटता अस्वभाविक लाग्छ । उनीहरू नजिक हुन्छन्, तर दर्शकले उनीहरूको निकटता महसूस गर्न सक्दैनन् । होटलमा अर्की एक युवतीको हत्यापछि शव व्यवस्थापनका क्रममा देखाइएको दृश्य वीभत्स छ । यसप्रकारको दृश्य हेर्न दर्शकलाई गाह्रो महसूस हुन सक्छ । सेन्सर बोर्डले उक्त दृश्य किन हटाएन भन्ने प्रश्न समेत उठ्छ ।
एउटै–एउटै दृश्यहरू अलि लामो समयसम्म देखाएको पनि भान हुन्छ । फिल्म केही सुस्त समेत लाग्छ । फिल्ममा समावेश गीतहरू पनि दर्शकको मनमा बस्ने खालका छैनन् । फिल्मको अन्त्य अपूरो लाग्छ, यद्यपि यसको दोस्रो भाग (सिक्वेल) ल्याउने निर्माण टीमको योजना हुन सक्छ ।
दीपेन्द्रले सस्पेन्स, थ्रिलर जनरामा ‘चपली हाइट’ र ‘चपली हाइट २’ बनाए । यी फिल्मले दर्शकलाई अलग स्वाद मात्र दिएनन्, नाफा समेत कमाए । केही वर्षपछि यसपटक भने दीपेन्द्रले आफ्नो कथालाई नव–निर्देशकमार्फत वाचन गराए, जुन कथामा नवनिर्देशक सुरजले सकेको मेहनत गरेको देखिन्छ । केही कमीकमजोरीलाई छाड्ने हो भने ‘परस्त्री’बाट दर्शकले नयाँ स्वाद पाउनेछन् ।
एकै खालका फिल्म हेरिरहेका दर्शकलाई यस फिल्मले बोर गराउने छैन । थ्रिलर जनरा मन पराउनेलाई फिल्म ठिकै लाग्न सक्छ ।
यद्यपि यो चलचित्र १६ वर्ष उमेर नपुगेकाले भने अभिभावकको साथविना हेर्न पाउँदैनन्, किनकि यसले ‘पीजी सर्टिफिकेट’ (एडल्टले मात्र हेर्न मिल्ने) पाएको छ ।
फिल्म : परस्त्री
लेखक : दीपेन्द्र के. खनाल
निर्देशक : सुरज पाण्डे
समय : २ घण्टा
कलाकारहरू : शिल्पा मास्के, कोशिश क्षेत्री, गौरव विष्ट
नारायण रायमाझी निर्देशित चलचित्र ‘परदेशी २’को प्रदर्शन नेपालमा अझै जारी छ । चलचित्रले शनिवार प्रदर्शनको ५१ दिन पूरा गर्दैछ । प्रकाश सपूत, केकी अधिकारी र वर्षा शिवाकोटी स्टारर यो चलचित्र...
‘चिसो हावाले’ बोलको गीत युट्युबमा सार्वजनिक गरिएको छ । आइतवार बेलुका अकलादेवी म्युजिकको अफिसियल युट्युब च्यानलबाट सार्वजनिक गीतमा सुरज अगस्ती, लक्ष्मी खड्का र ध्रुव रेग्मीको स्वर छ । ...
हास्य कलाकार जोडी सीताराम कट्टेल ‘धुर्मुस’ र कुञ्जना घिमिरे ‘सुन्तली’ स्टेज शोमा फर्किएसँगै मेला–महोत्सवमा खोजिन थालेका छन् । अघिल्लो शनिवार कास्कीको लेखनाथ महोत्सवमा प्रस्तुति द...
ढुंगामाटोले बनेको घरको आँगनमा घरतर्फै फर्किएर केही मानिसहरू लाइन लागेका छन् । बार्दलीमा झुन्ड्याइएको ब्यानरमा लेखिएको छ, सक्किगोनि । ब्यानरको छेउमा उभिएका छन्, अर्जुन घिमिरे (पाँडे) । यो चर्चित ह...
मोडल एवं अभिनेत्री दीपाशा बीसी ‘जलपरी’को मृत्यु भएको छ । स्वास्थ्यमा समस्या आएपछि बुधवार राति थापाथलीस्थित नर्भिक अस्पताल भर्ना भएकी २८ वर्षीया उनको बिहीवार दिउँसो मृत्यु भएको हो । अस्पतालले उनलाई म...
गायक हेमन्त शर्मा आइतबार पाल्पाली दर्शकमाझ प्रस्तुत हुँदैछन् । माथागढी गाउँपालिकाको सराइमा जारी महोत्सवमा पुगेर उनले प्रस्तुति दिन लागेका हुन् । उनीसँगै अहिलेकी चर्चित गायिका समीक्षा अधिकारी पनि महोत्सवमा आकर्...
निरन्तर १८ वर्ष लामो कन्जरभेटिभ पार्टीको सरकारलाई विस्थापित गर्दै लेबर पार्टीका नेता टोनी ब्लेयर सन् १९९७ को मे २ मा बेलायतको प्रधानमन्त्री बन्न सफल भएका थिए । लेबर पार्टीका नेता जोन स्मिथको निधनपश्चात पार्टीको ...
जनता समाजवादी पार्टीमा आएको विभाजन पहिलो पनि होइन र अन्तिम पनि होइन । राजनीतिक दलमा आएको विभाजनको लामो शृङ्खला हेर्ने हो भने पनि यो न पहिलो हो, न अन्तिम । दुःखद् कुरा के भने राजनीतिक दल विभाजनको नयाँ कोर्...
मानव स्वभाव प्रायः म र मेरो भन्ने हुन्छ । जस्तोसुकै आदर्शको कुरा गरे पनि, जतिसुकै महान देखिन खोजे पनि यी म र मेरोमा अलिकति धक्का लाग्नेबित्तिकै, ढेस पुग्नेबित्तिकै त्यस्ता आदर्श र महानता कुन सड्को ‘फू&rsquo...