२४ जेठ २०८३, आइतबार
एसिया कपको तयारीस्वरूप नेपाली राष्ट्रिय क्रिकेट टीमले विशेष 'हाई-पफर्मेन्स क्याम्प' शुरू गरेको छ ।
एसीसी इमर्जिङ टिम्स एसिया कप खेल्न श्रीलंका पुगेको टोलीले त्यही १५ दिने हाई-पफर्मेन्स क्याम्प शुरू गरेको नेपाल क्रिकेट संघ क्यानले जनाएको छ ।
क्याम्पका दौरान श्रीलंकाका डेभलपमेन्ट टीमहरूसँग नेपालले ४ वटा अभ्यास खेल पनि खेल्ने क्यानले फेसबूकमार्फत जनाएको छ ।
अभ्यासका लागि स्तरीय टीम उपलब्ध गराउने वाचा गरेको भन्दै क्यानले श्रीलंका क्रिकेट बोर्डलाई धन्यवाद समेत दिएको छ ।
एसिया कप आगामी अगस्ट ३० देखि सेप्टेम्बर १७ सम्म श्रीलंका र पाकिस्तानमा हुनेछ ।
नेपालले आफ्नो पहिलो खेलमा पाकिस्तान र दोस्रो खेलमा भारतसँग प्रतिस्पर्धा गर्नेछ ।
