पाल्पामा करेन्ट लागेर एक जनाको मृत्यु भएको छ ।

मृत्यु हुनेमा रैनादेवी छहरा गाउँपालिका वडा नम्बर ३ झिरवास देउरालीका ४२ वर्षीय गोविन्द बम्रेल रहेका छन् ।

जिल्ला प्रहरी कार्यालय पाल्पाका सूचना अधिकारी प्रहरी निरीक्षक भुपेन्द्र थापाका अनुसार बम्रेलको शनिवार साँझ आफ्नै घर नजिकको खेतमा मोटरबाट पानी तान्ने क्रममा अचानक करेन्ट लागेर घटनास्थलमै मृत्यु भएको हो ।

इलाका प्रहरी कार्यालय मुझुङ्ग र जिल्ला प्रहरी कार्यालयबाट खटिएको अनुसन्धान अधिकृतसहितको टोलीले प्रारम्भिक अनुसन्धान गरी बम्रेलको शव पोष्टमार्टमका लागि पाल्पा अस्पतालमा पठाएको प्रहरी निरीक्षक थापाले बताए ।

घटनाबारे थप अनुसन्धान भइरहेको प्रहरीले जनाएको छ ।