०२ साउन २०८३, शनिबार
उत्तरपूर्वी चीनस्थित हेइलोङजियाङप्रान्तको एक विद्यालयमा जिम हलको छत खस्दा ११ जनाको मृत्यु भएको छ ।
किशोरीहरूको भलिबल टीमका सदस्यहरूले व्यायाम गरिरहेका बेला सोमवार छत खसेको बीबीसीले जनाएको छ ।
प्रत्यक्षदर्शी तथा स्थानीय मिडियाहरूलाई उद्धृत गर्दै बीबीसीले लेखेअनुसार दुर्घटनाको समयमा उक्त हलभित्र १९ जना थिए । ८ जना भने बाँच्न सफल भएका छन् ।
दुर्घटनापश्चत स्थानीय अस्पतालमा अभिभावकहरूको भीड लागेको छ ।
दुर्घटनास्थलमा उद्धारको काम जारी छ ।
