जितुले यसपटक युट्युबमा गाईजात्रा प्रस्तुति ल्याउने

हास्य अभिनेता जितु नेपालले गाईजात्रा विशेष प्रस्तुति युट्युबमा सार्वजनिक गर्ने भएका छन् । यस वर्षको  गाईजात्रा आउन एक महिना बढी समय हुँदा उनले आफूले प्रस्तुति लिएर आउने तयारी गरेको जानकारी दिएका हुन् ।

करिब एक हप्तासम्म आफ्ना प्रस्तुतिहरू दर्शकले हेर्न पाउने जितुले बताएका छन् । 

आफूहरूले पहिले पहिले ‘तिते जिरे मेरीबास्सै’ गाईजात्रा कार्यक्रम १२/१५ वर्ष नियमित रूपमा प्रज्ञा भवन कमलादीमा गर्ने गरेको स्मरण गर्दै दर्शकहरू ले पनि अन्त्यन्तै  साथ दिएको फेसबुकमा उल्लेख गरेका छन् । तर पछिल्लो समय कोरोना र अन्य कारणले गर्दा गाईजात्रा कार्यक्रम आयोजना गर्न नसकिरहेको उनले बताएका छन् । 

‘जहिले गाईजात्रा आउँदा पनि यो कुरा मिस भइरहन्छ । त्यसैले यसपालि चाहिँ मेरा केही प्रस्तुतिहरू लिएर आउने जमर्को गरेको छु’ जितुले भनेका छन् ‘जुन प्रस्तुतिहरू रङ्गमञ्चमा नभएर मेरो युट्युब जितु कमेडीमा आउनेछन् । करिब एक हप्तासम्म मेरा विभिन्न प्रस्तुतिहरू हेर्न सक्नुहुनेछ ।’