२९ जेठ २०८३, शुक्रबार
सर्वोच्च अदालतको प्रधानन्यायाधीश सिफारिश गर्न संवैधानिक परिषद्को बैठक बसिरहेको छ ।
प्रधानमन्त्री तथा मन्त्रिपरिषद्को कार्यालय सिंहदरबारमा बिहीवार परिषद्को बैठक बसेको हो ।
यसअघि मंगलवार पनि परिषद् बैठक बसेकोमा कुनै निर्णय हुन सकेको थिएन ।
प्रधानमन्त्री पुष्पकमल दाहाल प्रचण्ड अध्यक्ष रहेको परिषद् बैठकमा प्रधानन्यायाधीश हरिकृष्ण कार्की, सभामुख देवराज घिमिरे, राष्ट्रियसभाका अध्यक्ष गणेश तिमल्सिना, प्रमुख प्रतिपक्षी दलका नेता केपी शर्मा ओली र उपसभामुख इन्दिरा राना सहभागी छन् ।
प्रधानन्यायाधीश कार्कीको कार्यकाल २० गते सकिँदैछ । परिषद्ले वरिष्ठतम न्यायाधीश विश्वम्भरप्रसाद श्रेष्ठलाई प्रधानन्यायाधीश सिफारिश गर्ने सम्भावना छ ।
