काठमाडौं, ३० भदौ– उत्तर कोरियाले सेप्टेम्बर तीन तारिखमा परमाणु परीक्षण गरेपछि सार्वजनिक भएको एक रिपोर्टका अनुसार दक्षिण कोरियाले उत्तर कोरियाका नेता किम जोन उनको हत्याका लागि विशेष दस्ताको स्थापना गर्न अनुमति दिएको छ ।
यदि यो कुरा साँचो हो भने यो कदम दक्षिण कोरियाली राष्ट्रपति मून जे इनको विदेश नीतिमा आएको महत्वपूर्ण परिवर्तन हो ।
उत्तर कोरियाले सेप्टेम्बर तीन तारिखमा सफल परमाणु परिक्षण गरेको दाबी गरेको थियो जुन उसको छैटौं परमाणु परिक्षण हो ।
दक्षिण कोरियाका राष्ट्रपति मून जे इनले यसै वर्ष जुलाईमा जर्मनीको राजधानी बर्लिनमा कोरियाली प्रायद्वीपमा स्थाई शान्ति स्थापना गर्ने, उत्तर कोरियाको विनाश रोक्ने बताएका थिए । तर रिपोर्टका अनुसार उनको व्यवहारमा भने त्यस्तो देखिएको छैन । उन उत्तर विरुद्ध आक्रामक रुपले अगाडि बढेका छन् ।
नीतिमा परिवर्तन ?उत्तर कोरियासँग कुराकानीका लागि वातावरण मिलाइरहेका नेता मून जे इनको नीतिमा अचानक यस्तो परिवर्तन किन आयो ?
उत्तर कोरियालाई रोक्न सैन्य उपाय र अमेरिकी राष्ट्रपतिका चेतावनी असफल भएपछि सियोलका नेता डराएका छन् । किनकी यीमध्ये कुनै पनि तरिका प्योंगयांगलाई आफ्नो सेनालाई आधुनिकीकरण गर्न रोक्न सफल भएको छैन ।
उत्तर कोरियाले थप परमाणु परिक्षण गर्ने कुरा लगभग निश्चित नै मान्न सकिन्छ ।
उत्तर कोरियाले शुक्रबार स्थानीय समयानुसार बिहान ६ बजेर ५७ मिनेटमा जापानतर्फ आफ्नो सातौं मिसाइल प्रक्षेपण गरेको छ ।
उत्तर कोरियाका नेता किम जोंग उनको ज्यानको खतरा देखाएर दक्षिण कोरियाले आफूमाथिको जोखिमलाई कम गर्ने आशा गरिरहेको त छैन ? तर के यो धम्कीले उत्तर कोरिया डराउला त ?
यसअघि उत्तर कोरियाका नेताले यस्तो प्रकारको खतरालाई गम्भीरतापूर्वक लिएका छन् ।
सन् १९९३ मार्चमा जब उत्तर कोरिया र अमेरिकाबिचको तनाव चरम स्थितीमा थियो तब किम जोन–उनका पिता किम जोन–इलले करिब एक महिना एक सुरक्षित बंकरमा बिताएका थिए । यो त्यो अवस्था थियो जब उत्तर कोरियाले परमाणु अप्रसार सन्धीबाट पछि हट्दै युद्धको स्थिती पैदा गरेको थियो ।
अमेरिकालाई भड्काएको डरले किम जोन–इल लुक्नुपरेको थियो तर यति हुँदै हुँदै पनि उत्तर कोरियाको रवैयामा कुनै परिवर्तन आएन ।
उत्तर कोरियाको इतिहास हेर्ने हो भने विदेशको दबाब हेर्दै नेताले थुप्रै रचनात्मक तरिका अपनाएका छन् । जतिबेला विदेशबाट हमलाको खतरा देखियो तब यो देशका उन्माद नेताको हौसला बढेको छ ।
गत मे महिनामा उत्तर कोरियाले अमेरिकामाथि उत्तर कोरियाली नागरिकलाई किम जोन उनमाथि जैविक हमला गर्नका लागि घुस दिन सिआइएलाई भड्काएको आरोप लागेको थियो ।
उत्तर कोरियाको दाबीलाई पुष्टि गर्न त मुश्किल छ तर यो उत्तर कोरियाको आफ्नै षड्यन्त्रबाट ध्यान हटाउने प्रोपोगान्डा पनि हुनसक्छ । उदाहरणको रुपमा गत फेब्रुअरीमा किम जोंग उनका दाइ किम जोंग–नमको एक घातक नर्व एजेन्टबाट गरिएको हत्यालाई हेर्न सकिन्छ ।
किम जोंग उनमाथि हमलाको योजनाको विषयमा दक्षिण कोरियाले निकै सचेत रहनुपर्छ किनभने यदि किमको हत्याको कोसिस असफल रह्यो भने उत्तर कोरियाले सिमित सैन्य कारवाही जस्तो कदम उठाउन सक्छ । यस्तोमा यो संघर्ष पूर्ण परमाणु युद्धमा परिवर्तन हुनसक्छ ।
किम जोंगको हत्याको योजना सफल हुने सम्भावना निकै कम छ ।
दक्षिण कोरियाका रक्षामन्त्रीले केही समय अघि सामरिक परमाणु हतियारलाई पुनः ल्याउने विषयलाई समर्थन गरेका थिए, यद्यपी सरकार उक्त कदमको पक्षमा थिएन किनभने मून जे इनको सरकारलाई डर छ कि यसले क्षेत्रमा हतियारको होड बढ्नेछ जसले नोक्सानी र अस्थिरताको स्थिती सृजना गर्नसक्छ ।
