नयाँ दिल्ली,१ असोज– डेरा सच्चा सौदाका प्रमुख राम रहीमकी छोरी भनिएकी हनीप्रित भागेर नेपाल पुगेको भारतीय प्रहरीको दाबी छ । डेरा सच्चा सौदाका उदयपुर विभागका प्रमुख प्रदीपले हनीप्रित नेपालमै रहेको जानकारी दिएका छन् ।
प्रदीपलाई राति अबेरसम्म हरियाणाका प्रहरीले हिरासतमा राखेर सोधपुछ गरेका थिए । हनीप्रित विहारको बाटो हुँदै विराटनगर आएर नेपाल छिरेको भारतीय प्रहरीले दाबी गरिएको छ ।
नेपाल छिरेपछि उनले लगातार आफ्नो बसाईक्षेत्र परिवर्तन गरिरहेको भारतीय प्रहरीको दाबी छ ।
प्रहरीका अनुसार हनीप्रितको खोज काठमाडौं, पोखरा, बुटवल र विराटनगर क्षेत्रमा भइरहेको जानकारी दिए ।
प्रहरीले प्रदीपको मोबाइल नियन्त्रण लिएका छन् भने हनीप्रितका बारेमा प्रहरीलाई महत्वपूर्ण सूचना समेत फेला परेको छ ।
प्रहरीका अनुसार चाँडै नै हनीप्रितलाई नियन्त्रणमा लिने बताइएको छ । प्रदीपमाथि भारतको पंचकूलामा हिंसा भत्काएको आरोप छ ।
२५ अगस्टमा रामरहीमलाई सीबिआइले दुईजना साधुनीलाई बलात्कार गरेको भन्दै पक्राउ गरेको थियो । अदालतले रामरहीमलाई बीस बर्षको जेल सुनाइएको थियो । यसको विरोधमा रामरहीमका समर्थकहरुले पंचकुलामा गरिएको हिंसात्मक प्रदर्शनमा ३० जनाको मृत्यु भएको थियो ।
प्रहरीकोे सोधपुछका क्रममा सिरसास्थित डेरा मुख्यालयबाट पंचकुलामा भीड जम्मा गर्ने योजना बनाएको प्रदीपले प्रहरीलाई जानकारी दिए ।
भीड जम्मा गर्नको लागि प्रदीपले स्वयमसेवकहरुलाई प्रति पचीस हजार रुपैयाँ बाँडिएको थियो ।
हनीप्रितमाथि रामरहीमलाई भगाउने प्रयास गरेको र पंचकुलामा हिंसात्मक प्रदर्शन गर्न सहयोग गरेको आरोप छ । रामरहीमले डेराभित्र एक रहस्यमय गुफा बनाइएको थियो । जहाँ युवतीहरुमाथि यौनशोषण गर्ने काम हुन्थ्यो ।
एजेन्सी
