वडा नम्बर १६ का अध्यक्ष मुकुन्द रिजालको निधनमा काठमाडौं महानगरले शुक्रवार शोक बिदा दिने निर्णय गरेको छ ।

महानगरको प्रशासन विभागका प्रमुख दीपक अधिकारीले बिहीवार एक सूचना प्रकाशित गरी महानगर र अन्तर्गतका कार्यालयमा शोक बिदा दिने निर्णय भएको जानकारी गराएका हुन् ।

नेपाली कांग्रेसबाट निर्वाचित वडाध्यक्ष रिजालको बिहीवार बिहान उपचारका क्रममा काठमाडौंको ग्राण्डी अस्पतालमा निधन भएको थियो ।