०४ असार २०८३, बिहीबार
संविधानसभाका अध्यक्ष सुवास नेम्वाङको अन्त्येष्टिका दिन भदौ २८ गते बिहीवार सार्वजनिक विदा दिने सरकारले निर्णय गरेको छ । गृह मन्त्रालयले आज एक विज्ञप्ति जारी गर्दै यसको जानकारी दिएको हो ।
उक्त दिन देशभरका सरकारी कार्यालयहरू, विदेशस्थित नेपाली दूतावास र नियोगहरूमा आधा झण्डा निर्णय भएको गृहका प्रवक्ता केदारनाथ शर्माले जारी गरेको विज्ञप्तिमा उल्लेख छ ।
एमालेका उपाध्यक्षसमेत रहेका नेम्वाङले संविधान निर्माण र गणतन्त्र स्थापनामा खेलेको भूमिकाको कदर गर्दै यस्तो निर्णय गरिएको गृहले जनाएको छ ।
मंगलवार बसेको मन्त्रिपरिषद्को आकस्मिक बैठकले पनि नेम्वाङको अन्त्येष्टि हुने दिन (बुधवार वा बिहीवार) सार्वजनिक बिदा दिने निर्णय गरेको हो । अहिले गृहले मिति तोकेको हो ।
पूर्वसभामुखसमेत रहेका नेम्वाङको ७१ वर्षको उमेरमा गएराति निधन भएको थियो ।
