पर्सा, ४ असोज - पर्साको स्थानीय तह निर्वाचनमा एमाले, माओवादी र संघीय समाजवादी फोरमले अग्रता देखाएका छन् । पर्सामा नेपाली कांग्रेस कमजोर देखिएको छ । हालसम्मको मतगणना अनुसार कांग्रेस कमजोर देखिएको हो ।
प्रदेश नम्बर दुईको सबैभन्दा बढी गाउँपालिका भएको पर्सामा फोरमले ४ ठाउँमा अग्रता कायम गरेको छ । एमाले र माओवादीले समान तीन ठाउँमा अग्रता कायम गरेका छन् ।
कांग्रेसले जम्मा दुई ठाउँमा अग्रता लिएको छ । राजापा र जनता दल एक एक ठाउँमा अघि देखिन्छन् ।
राजपाले पर्साको एक मात्रै महानगरपालिका विरगञ्जमा अग्रता लिएको छ । विरगञ्ज यसपालीको एक मात्रै महागरपालिका हो ।
एमालेले पर्सागढी नगरपालिका, बिन्दबासिनी र पटेर्वा सुगौली गाउँपालिकामा अग्रता लिएको छ ।
माओवादीले छिपहरमाई, पकहामैनपुर र ठोरी गाउँपालिका अग्रता लिएको छ ।
फोरमले पोखरिया नगरपालिका, धोबिनी, जगनाथपुर सखुवा प्रसौनी गाउँपालिकामा अग्रता लिएको छ ।
कांग्रेसले बहादुरमाइ नगरपालिका र जिराभवानी गाउँपालिकामा अग्रता लिएको छ ।
