इजरायलमा ज्यान गुमाएका सुदूरपश्चिमका विद्यार्थीका परिवारलाई प्रदेश सरकारले जनही दुई लाख रुपैयाँ दिने भएको छ ।

सोमबार मुख्यमन्त्री कमलबहादुर शाहले इजरायलमा हमासको आक्रमणबाट ज्यान गुमाएका सुदूरपश्चिमका सात जना विद्यार्थीका परिवारलाई सरकारले जनही दुई लाख रुपैयाँ उपलब्ध गराउने जानकारी दिएका हुन् ।

इजरायलमा भएको हमलामा परी आइतबार १० जना नेपालीको मृत्यु भएको थियो । तीमध्ये ७ जना सुदूरपश्चिमका छन् ।

मुख्यमन्त्री शाहले विज्ञप्ति जारी गरी इजरायलबाट शव ल्याउन सहजीकरण गरिदिन केन्द्र सरकारलाई आग्रह गरेका छन् ।

यस्तो छ सूचना