१० साउन २०८३, आइतबार
साविक विजेता इटालीलाई हराउँदै इंग्ल्यान्ड आगामी वर्ष जर्मनीमा हुने युरोपियन च्याम्पियनसिप (युरोकप) फूटबलका लागि छनोट भएको छ । इंग्ल्यान्ड युरोकपका लागि दुई खेलअगावै छनोट भएको हो ।
मंगलवार राति भएको खेलमा एक गोलले पछि परेको स्थिति उल्टाउँदै इंग्ल्यान्डले इटालीमाथि ३–१ गोल अन्तरको जीत हात पार्न सफल भएको हो ।
खेलको १५ औँ मिनेटमा इंग्लिस क्लब वेस्ट ह्यामका स्ट्राइकर जियानलुका स्कामाकाले इटालीलाई अग्रता दिलाएका थिए । तर खेलको ३२ औँ मिनेटमा कप्तान ह्यारी केनले पेनाल्टीमार्फत गोल गर्दै खेल बराबरीमा ल्याए ।
दोस्रो हाफको ५७ औँ मिनेटमा गोल गर्दै मार्कस रासफोर्डले इंग्ल्यान्डलाई अग्रता दिलाए । ७७ औँ मिनेटमा केनले व्यक्तिगत दोस्रो गोल गर्दै टोलीको जीत सुनिश्चित भएको हो ।
पराजयसँगै समूह ‘सी’मा इटाली तेस्रो स्थानमा खस्किएको छ । अब दोस्रो स्थानमा रहेको युकेनविरुद्धको खेल उसको लागि निर्णायक बन्नेछ । समूहमा दुई टोली सिधै छनोट हुने प्रावधान छ । तेस्रो स्थानको टोलीले प्लेअफमा स्थान बनाउने छ ।
दुई वर्षअघि इटालीले घरेलु टोली इंग्ल्यान्डलाई नै हराएर युरोकपको दोस्रो उपाधि जितेको थियो । इंग्ल्यान्डले त्यसैको बदला लिएको छ ।
इंग्ल्यान्ड छनोट भएसँगै युरोकपमा लागि आयोजक जर्मनीसँगै ९ टोलीले टिकट पक्का गरिसकेका छन् ।
फ्रान्स, पोर्चुगल, बेल्जियम, स्पेन, स्कटल्यान्ड, टर्कीए र अष्ट्रिया यसअघि नै छानिएका थिए । युरोकपमा २४ टोलीले खेल्न पाउँछन् । अरु छनोट हुन बाँकी छ ।
मंगलवार राति भएका ७ खेलको नतिजाः
