११ साउन २०८३, सोमबार
स्पेन राष्ट्रिय फूटबल टोलीका युवा मिडफिल्डर गाभीले आगामी वर्ष जर्मनीमा हुने युरोकप गुमाउने पक्का भएको छ ।
घुँडाका शल्यक्रिया गर्नुपर्ने भएकाले उनले अबका ८–१० महिना फूटबल खेल्न नसक्ने उनी आबद्ध क्लब बार्सिलोनाले जनाएको छ ।
अबको ७ महिनापछि अर्थात २०२४ जुन १४ देखि युरोकप शुरू हुँदैछ । गाभी सो अवधिसम्म ठीक नहुने भएसँगै उनले प्रतियोगिता गुमाउने पक्का भएको हो ।
गत नोभेम्बर १९ मा जर्जियाविरुद्धको खेलमा गाभी घाइते भएका थिए । युरोकप छनोटअन्तर्गतको सो खेलमा स्पेन ३–१ गोल अन्तरले विजयी भएको हो ।
१९ वर्षीय गाभी स्पेनका भरपर्दा खेलाडी हुन् । उनको अनुपस्थितिले टोलीलाई घाटा पर्ने निश्चित छ ।
