१० असार २०८३, बुधबार
नेपाल जेसीजको ५०औँ राष्ट्रिय महाधिवेशन आजदेखि बुटवलमा शुरू हुँदैछ । बुटवल जेसीजको आतिथ्यतामा रामनगस्थित बुटवल अन्तर्राष्ट्रिय सम्मेलन केन्द्रमा आजदेखि महाधिवेशन शुरू हुन लागेको हो ।
महाधिवेशनको शुक्रबार दिउँसो २ बजे प्रतिनिधिसभा सभामुख देवराज घिमिरेले उद्घाटन गर्ने कन्भेन्सन डाइरेक्टर तथा पूर्वअध्यक्ष जगतबहादुर पोखरेलले जानकारी दिए ।
राष्ट्रिय महाधिवेशन पुस २ गतेसम्म चल्ने छ । महाधिवेशनले नयाँ नेतृत्व समेत चयन गर्ने छ ।
बुटवल जेसीज स्वर्ण वर्षमा रहेको र नेपाल जेसीजको पनि ५० औँ राष्ट्रिय महाधिवेशनसंगै भएकाले दुवै सन्दर्भ मिलाएर बुटवलमा कार्यक्रम गर्न लागिएको हो ।
