२२ असार २०८३, सोमबार
पर्सामा बाघको आक्रमणबाट एक जनाको मृत्यु भएको छ ।
बाघको आक्रमणमा परी पटेर्वा सुगौली गाउँपालिका–२ थरकटीका ३२ वर्षीय मनोज उराँव धाँगडको मृत्यु भएको प्रहरीले जनाएको छ ।
घर नजिकै जङ्गलमा शौच गर्न गएका धाँगड आज बिहानदेखि सम्पर्कविहीन बनेका थिए ।
उनको खोजतलाश गर्ने क्रममा शव फेला परेको इलाका प्रहरी कार्यालय पटेर्वा सुगौलीका प्रहरी निरीक्षक रामराज केसरीले जानकारी दिए । ‘धाँगडको टाउको र खुट्टा नभएको अवस्थामा शव फेला परेको छ’, उनले भने ।
धाँगडको शव परीक्षणका लागि वीरगञ्जस्थित नारायणी अस्पताल लगिएको प्रहरीले जनाएको छ ।
