नापी कार्यालय नवलपरासी (बर्दघाट सुस्ता पश्चिम) का अमिन गोविन्द ढकाल पक्राउ परेका छन् ।

जग्गा नापजाँच गरी लालपुर्जा दिलाउने प्रयोजनका लागि सेवाग्राहीबाट लिएको ४ हजार रुपैयाँ घुससहित उनलाई पक्राउ गरिएको आयोगका प्रवक्ता नरहरि घिमिरेले जानकारी दिए ।

प्रवक्ता घिमिरेका अनुसार घुस मागेको गोप्य सूचनाका आधारमा आयोगको कार्यालय बुटवलबाट खटिएको टोलीले ढकाललाई कार्यकक्षबाटै पक्राउ गरिएको हो ।

थप अनुसन्धान भइरहेको आयोगले जनाएको छ ।