११ साउन २०८३, सोमबार
विश्वविजेता अर्जेन्टिना राष्ट्रिय फूटबल टोलीका कप्तान लियोनल मेसी १७ वर्षपछि पेनाल्टी गोलविहीन बनेका छन् ।
सन् २०२३ का खेल सकिँदा अमेरिकी क्लब इन्टर मायमीमा आबद्ध मेसीले ४४ खेलमा २८ गोल गरेका छन् । यीमध्ये ८ खेलबाट ८ गोल राष्ट्रिय टोलीका लागि हो ।
सन् २००६ मा मेसी १८–१९ वर्षका मात्र थिए । त्यो बेला उनले सो वर्ष कुनै पनि पेनाल्टी हान्न नपाएकाले गोल पनि गरेनन् ।
तर सो वर्षयता मेसीले हरेक वर्ष पेनाल्टीमा गोल गर्दै आएका थिए । गत वर्ष कतारमा भएको विश्वकप जित्दा पनि मेसीले गरेका ७ गोलमध्ये ४ गोल पेनाल्टीबाट गरेका थिए ।
