काठमाडौं, १६ असोज– अमेरिकाको लस भेगासमा गोली चल्दा मृत्यु हुनेको संख्या २० पुगेको छ भने सयभन्दा बढी घाइते भएका छन् ।

शंकास्पद बन्दुकधारी प्रहरीको गोलीबाट मृत्यु भएको छ ।

प्रहरीका अनुसार ती शंकास्पद व्यक्ति लस भेगासकै स्थानीय भएको र गोली चलाउनु अघि उनी एक्लो भएको अभिनय गरिरहेको लस भेगासका प्रहरी सेरिफ जोेसेफले बताएका छन् ।

तर अन्य अधिकारीका अनुसार ती शंकास्पद व्यक्तिका एकजना एसियन मुलकी महिला साथीलाई खोजिरहेको उनले बताए । त्यसबाहेक अन्य ठाउँमा समेत गोली चलेको हल्ला मात्रै भएको प्रहरीले बताए ।  लस भेगासमा मानिसहरु मनोरञ्जन गर्न, सपिङ गर्न र क्यासिनोमा खेल्न बढी आउने गर्छन् ।

सनसेट स्ट्रिप क्षेत्रमा मांडले बे क्यासिनो नजिकै एक म्युजिक फेस्टिवल चलिरहेको अवस्थामा गोली चलेको बताइएको छ ।

लस भेगासको प्रहरी यस घटनाको बारेमा अनुसन्धान गरिरहेको छ । घटनास्थलबाट सबैलाई टाढा राखिएको छ । सामाजिक सञ्जालमा पोष्ट गरिएको भिडियोमा घटनामा थुप्रै घाइते भएको देखाइएको छ ।