कात्तिक २०, २०८०
जाजरकोट भूकम्पमा ज्यान गुमाउनेमध्ये आधा बढी बालबालिका रहेका छन् । नेपाल प्रहरीले उपलब्ध गराएको तथ्याङ्क अनुसार कात्तिक १७ गते राति गएको भूकम्पबाट मृत्यु भएका १५३ मध्ये ७८ बालबालिका छन् । जाजरक...
काठमाडाैं | पुस १८, २०८०
जाजरकोट र रुकुम पश्चिमका भूकम्प प्रभावित क्षेत्रमा २०७२ सालको भन्दा फरक किसिमले पुनर्निर्माण हुनुपर्नेमा प्रधानमन्त्री पुष्पकमल दाहाल प्रचण्ड र नेकपा (माओवादी केन्द्र)मा उपमहासचिव जनार्दन शर्माले जोड दिएका छन् ।
बुधवार ललितपुरमा आयोजित जाजरकोट रामीडाँडा भूकम्प प्रभावित क्षेत्रको पुनर्निर्माणसम्बन्धी बृहत् अन्तक्र्रिया कार्यक्रममा उनीहरूले यस्तो जोड दिएका हुन् ।
उक्त कार्यक्रममा माओवादी केन्द्रका अध्यक्षसमेत रहेका प्रधानमन्त्री प्रचण्डले अबको पुनर्निर्माणमा २०७२ सालको भूकम्पको भन्दा केही फरक हुनुपर्ने बताए ।
‘गोरखाको लाप्राकमा एनआरएनएको सहयोगमा एकीकृत बस्ती त बन्यो तर जनताले चाहिँ त्यहाँ बस्न रुचाएनन्, पहिला भत्केको आफ्नै घरका करेसाबारी, कुखुरा र बाख्रा हेर्न रुचाए,’ उनले भने, ‘त्यसैले सामाजिक संरचनालाई विकसित गर्न सक्ने जनचेतनाको खाँचो छ । त्यसोभयो भने मात्र पुनर्निर्माणलाई प्रभावकारी बनाउन सकिन्छ ।’
विपत्को बेला स्थानीय सरकार र प्रादेशिक सरकारको महत्व देखिएको भए पनि जनतासम्म प्रभावकारी सेवा जति पुर्याउनुपर्ने हो त्यसमा चुकेको प्रधानमन्त्री प्रचण्डको भनाइ थियो ।
‘कोभिड महामारी होस् या अहिलेको जाजरकोट भूकम्पको बेला । विपत्को समयमा स्थानीय सरकार र प्रादेशिक सरकारको महत्व देखियो, तर जति प्रभावकारी सेवा पुग्नुपर्ने हो त्यो भने कहीँ–कहीँ चुकेको पाइएको छ,’ उनले थपे ।
त्यस्तै राज्यको संरचना परिणाममुखी भन्दा पनि प्रक्रियामुखी रहेकाले अहिलेसम्म पीडितले पाउनुपर्ने ५० हजार रुपैयाँ नपाएको उनले स्पष्ट पारे ।
‘स्थानीय तहमा पैसा २ घण्टामा पुर्याइदिन निर्देशन दिइएको थियो । तर अहिलेको डिजिटल जमानामा पनि ५० हजार पीडितको खातामा अझै पुगिसकेको छैन,’ उनले भने, ‘कारण, हाम्रो राज्य संरचना परिणामकेन्द्रित छैन, प्रक्रियामुखी छ । प्रक्रिया मिलाउँदा–मिलाउँदै जहाज डुबिसक्छ । म यसलाई बदल्दैछु । ऐनमा संशोधन गरेर भए पनि सिधै परिणाम निकाल्नतिर लाग्दैछु ।’
केन्द्र सरकारको तर्फबाट प्रधानमन्त्री दैवी प्रकोप उद्धार कोषमा १० अर्बको कोष खडा गरिएको पनि प्रधानमन्त्री प्रचण्डले जानकारी दिए । थप नपुग रकम विदेशी दात्री निकायसँग माग्न आह्वान गरिने उनले बताए ।
त्यस्तै कार्यक्रममा पूर्वअर्थमन्त्रीसमेत रहेका माओवादी केन्द्रका उपमहासचिव जनार्दन शर्माले भूकम्पप्रभावित क्षेत्रमा पुनर्निर्माणमा खटिँदाका अनुभव र समस्याबारे कार्यक्रममा उजागर गरेका थिए ।
नेता शर्माले विद्यालयको पुनर्निर्माण नहुँदा बालबालिकालाई पढ्ने समस्या भएकोतर्फ पनि सरकारको ध्यानाकर्षण गराए । यस्तै विद्यालयलाई मर्ज गरेर पुनर्निर्माण गर्नुपर्नेमा पनि उनको जोड थियो । जनताको आर्थिक पक्ष, सामाजिक, पुरातात्विक र वातावरणीय पक्षलाई ध्यान दिएर मात्र पुनर्निर्माण गर्नुपर्नेमा उनले सरकारको ध्यानाकर्षण गराएका थिए ।
२०७२ सालको भूकम्पपछिको पुनर्निर्माणले यसको प्रभावकरिता माथि नै प्रश्न उठेकोतर्फ नेता शर्माले सरकारको ध्यानाकर्षण गराए ।
‘७२ सालको भूकम्पपछि पुनर्निर्माण भएका कतिपय बस्ती आज उपयोग भइरहेका छैनन् । त्यसैले अबको पुनर्निर्माणबारे नयाँ ढंगले छलफल गर्नुपर्ने आवस्यकता भएको छ,’ उनले भने, ‘स्थानीय उत्पादनको पवृत्ति र पुनर्निर्माणको मोडालिटीबीचको तालमेल भएन भने समग्र पुनर्निर्माण अभियान अपेक्षा गरेजस्तो उपयोगी नहुने कुरा हाम्रो अनुभवले शिक्षा प्राप्त गरेका छौं । त्यसैले अबको पुनर्निर्माणमा परम्परागत शैली र आधुनिक एकीकृत बस्तीको समायोजन गर्नुपर्छ ।
पुनर्निर्माण पछिको संरचनामा मौलिकता देखिनुपर्ने उनको भनाइ थियो । ‘डोको र पोको राख्नेका साथै गोठ र भकारो पनि हुनुपर्ने संरचनामा तालमेल कसरी गर्ने भन्ने प्रश्न आजको दिनमा महत्वपूर्ण छ,’ उनले थपे ।
नेता शर्माले सिन्धुपाल्चोक र लाप्राकका बस्ती जीवनउपयोगी नभएकाले जाजरकोट र रुकुम पश्चिममा फरक संरचनामा जोड दिनुपर्ने स्पष्ट पारे ।
त्यस्तै कार्यक्रममा अर्थमन्त्री डा प्रकाशशरण महतले जाजरकोट र रुकुम पश्चिममा पुनर्निर्माण, अस्थायी आवास, दैनिक आवश्यक बस्तु पुर्याउन सरकार लागिपरेको जानकारी दिए ।
‘नियम–कानून र ऐनले पनि केही समस्या गरेको छ, तर पनि सरकार सहयोग पुर्याउन लागिपरेकै छ,’ उनले भने ।
तत्कालीन सेल्टरका लागि भनेर ५० हजार रुपैयाँ उपलब्ध गराउने निर्णयसमेत सरकारले गरेको अर्थमन्त्री महतले जानकारी दिए ।
‘जिल्ला विपत् कोष व्यवस्थापनमार्फत स्थानीय सरकार (वडा तहसम्म) पुर्याउने काम भइरहेको छ । यद्यपि, केही ढिलासुस्ती भने भइरहेको छ,’ उनले थपे, ‘सरकारले आफ्नै साधन–स्रोतले रकम जुट्छ होला भनी तत्काल १० अर्बको राहतस्वरुप घोषणा गर्याैँ। तर धेरै क्षति हुन्छ होला भन्ने आकलन हामीले गरेनाैँ र मित्र राष्ट्र र दातृ निकायलाई आव्हान गरेनौं ।’
पछिल्लो समय सरकारले थप रकम जुटाउनका लागि दातृ निकायसँग अन्तरक्रिया गरेको अर्थमन्त्री महतले जानकारी दिए । ‘हामीलाई शुरूमा धेरै क्षति भएको छैन भन्ने भयो । त्यसैले आफ्नै स्रोत जुटाएर राहत र पुनर्निर्माण गर्छौं भन्ने लाग्यो र दातृ निकायको सहयोग मागेनाैँ । तर प्रारम्भिक अध्ययनको नतिजा भने फरक आयो,’ उनले भने, ‘हामीले सोचेको भन्दा धेरै क्षति भएको रहेछ, हाम्रो स्रोतले पनि नपुग्ने भयो । तपाईंहरूको सहयोग आवस्यक पर्ने रहेछ भनेर अनुरोध गर्यौं । उहाँहरूले सहयोगको तत्परता पनि देखाउनुभएको छ ।’
दातृ निकायको सहयोग जुन रुपले आउँछ सोहीअनुरुप भूकम्पपछिको पुनर्निर्माण गरिने अर्थमन्त्री महतले जनाए ।
राष्ट्रिय विपत् जोखिम न्यूनीकरण व्यवस्थापन प्राधिकरणले ५५ करोड अमेरिकी डलर जुटाउनुपर्ने आकलन गरेको उनले जानकारी दिए ।
त्यस्तै अबको पुनर्निर्माण २०७२ सालको भन्दा पनि ठूलो भूकम्प आउँदासमेत थेग्न सक्ने भौतिक संरचना निर्माण गरिने अर्थमन्त्री महतले बताए ।
गत कात्तिक १७ गते जाजरकोट केन्द्रविन्दु भएर भूकम्प गएको थियो । जाजरकोटमा मात्रै १०१ जनाको मृत्यु भएको थियो भने सयाैँको संख्यामा घाइते भएका थिए । भूकम्पले ३५ हजार १४० घरमा क्षति पुगेको छ । यस्तै कृषिमा १ करोड रुपैयाँ बराबरको क्षति पुगेको जानकारी जाजरकोटका प्रमुख जिल्ला अधिकारी सुरेश सुनारले दिए ।
यस्तै सो जिल्लामा हालसम्म ५७ हजार ब्ल्यांकेट तथा ४६ हजार त्रिपाल वितरण रहेको उनले बताए
सो अन्तरक्रियामा विभिन्न वक्ताले जाजरकोट र रुकुम पश्चिमलगायत क्षेत्रमा गोलो ढुंगाले बनाएका, माटोको गाह्रो लगाएका र गह्रौ छत भएका घर भएकाले भूकम्पमा धेरै क्षति पुगेको औँल्याएका थिए ।
कार्यक्रममा अधिकांश वक्ताले राष्ट्रिय विपद् जोखिम न्यूनीकरण तथा व्यवस्थापन प्राधिकरण (एनडीआरआरएन)लाई अधिकारसम्पन्न गराइ स्थानीय तहसँग सहकार्य गरेर पुनर्निर्माण गर्नुपर्नैमा जोड दिए ।
तथ्याङ्कमा हेरौंः
हेरौं भिडियोः
जाजरकोट भूकम्पमा ज्यान गुमाउनेमध्ये आधा बढी बालबालिका रहेका छन् । नेपाल प्रहरीले उपलब्ध गराएको तथ्याङ्क अनुसार कात्तिक १७ गते राति गएको भूकम्पबाट मृत्यु भएका १५३ मध्ये ७८ बालबालिका छन् । जाजरक...
‘मोबाइल डिभाइस म्यानेजमेन्ट सिस्टम (एमडीएमएस)’ आज (सोमबार)देखि लागू हुने भएको छ । नेपाल दूरसञ्चार प्राधिकरणले पहिलो चरणमा प्रणालीमा दर्ता नभएका केही मोबाइलको नेटवर्क लक गरेर यो प्रणाली कार्यान्वयन...
शुक्रवार मध्यरातिको भूकम्पमा परेर मृत्यु भएकी जाजरकोट भेरी नगरपालिकाकी ८ वर्षीया विष्णु तिरुवाको दाहसंस्कारका लागि आफन्त र गाउँलेहरू सोमवार भेरी नदी घाटमा पुगेका थिए । सोमवार अपरान्ह उनको शव लिएर मलामी...
गएराति गएको भूकम्पले सबैभन्दा बढी जाजरकोटको नलगाड क्षेत्रमा क्षति गरेको छ । नलगाड नगरपालिकामा मात्रै तीन दर्जन बढीको ज्यान गएको जिल्ला प्रशासन कार्यालय जाजरकोटले जनाएको छ । अझै यकिन विवरण आउन बाँकी छ । ...
गत शुक्रबार राति गएको भूकम्पले जाजरकोट र रुकुम पश्चिम तहसनहस बनेका छन् । बाक्लो बस्ती रहेका बस्ती भूकम्पले उजाड बनेका छन् । प्रभावित क्षेत्रमा सन्नाटा छाएको छ । बाँचेकाहरू शोक र पीडामा छन् । ...
सरकारी जग्गा हिनामिना प्रकरणमा डलर अर्बपति एवं कांग्रेस सांसद विनोद चौधरी पनि तानिएका छन् । बाँसबारी छाला जुत्ता कारखानाको जग्गा हडपेको आरोपमा भाइ अरुण चौधरी पक्राउ परेलगत्तै विनोद चौधरीले समेत संल...
नेपालको निजामती सेवा (समग्र प्रशासन) कम व्यावसायिक भएको आरोप लाग्दै आएको छ । कर्मचारीहरूमा बुझाइको स्तर सतही देखिन थालेको छ । सकारात्मक सोच पनि खस्किएको छ । प्रस्तुतिमा आत्मविश्वास होइन, हीनभावना देखिन थालेको ...
निरन्तर १८ वर्ष लामो कन्जरभेटिभ पार्टीको सरकारलाई विस्थापित गर्दै लेबर पार्टीका नेता टोनी ब्लेयर सन् १९९७ को मे २ मा बेलायतको प्रधानमन्त्री बन्न सफल भएका थिए । लेबर पार्टीका नेता जोन स्मिथको निधनपश्चात पार्टीको ...
जनता समाजवादी पार्टीमा आएको विभाजन पहिलो पनि होइन र अन्तिम पनि होइन । राजनीतिक दलमा आएको विभाजनको लामो शृङ्खला हेर्ने हो भने पनि यो न पहिलो हो, न अन्तिम । दुःखद् कुरा के भने राजनीतिक दल विभाजनको नयाँ कोर्...