२४ जेठ २०८३, आइतबार
राष्ट्रिय प्रजातन्त्र पार्टी (राप्रपां)ले सत्ता गठबन्धनसँग राष्ट्रियसभा निर्वाचनमा मिलेर जानेबारेमा छलफल गर्ने भएको छ । शनिबार बसेको केन्द्रीय कार्यसम्पादन समितिको बैठकमा राष्ट्रियसभा निर्वाचनमा मिलेर जानेबारेमा सत्ता गठबन्धनसँग छलफल गर्ने निर्णय गरेको एक नेताले जानकारी दिए ।
ती नेताका अनुसार छलफलका लागि कार्यबाहेक अध्यक्ष बुद्धिमान तामाङलाई जिम्मेवारी दिइएको छ । अध्यक्ष राजेन्द्र लिङ्देन हाल विदेश रहेकाले तामाङलाई आवश्यक कार्यादेश दिइएको हो ।
राप्रपाले सत्ता गठबन्धनबाट भाग पाउने अवस्था रहेमा एक सिट माग्ने तयारी गरेको छ । आइतबार तामाङले सत्ता गठबन्धनमा छलफल गर्ने र त्यसपछि पार्टीले आवश्यक निर्णय गर्ने ती नेताको भनाइ छ ।
राप्रपाले सत्ता गठबन्धनबाट भाग नपाउने अवस्था आएमा भने आफ्नै ढंगले निर्वाचनमा उम्मेदवारी दिने गरी निर्णय गरेको छ । त्यो भनेको आवश्यकताअनुसार विभिन्न प्रदेशमा उम्मेदवारी दिने राप्रपाको भनाइ छ ।
