२५ जेठ २०८३, सोमबार
दोस्रो खेलमा शतप्रतिशत जीत निकालेसँगै अस्ट्रेलिया कतारमा जारी एएफसी एसियन कप फूटबल प्रतियोगिताको अन्तिम १६ मा प्रवेश गरेको छ ।
बिहीवार भएको खेलमा सिरियामाथि १–० को जीत निकाल्दै अस्ट्रेलिया अन्तिम १६ मा प्रवेश गरेको हो ।
लगातार दोस्रो जीतले अस्ट्रेलिया समूह ‘बी’मा ६ अंक जोडेको छ । पराजय ब्यहोरेको सिरिया समान खेलबाट एक अंकका साथ तेस्रो स्थानमा छ ।
जसिम विन हमाद रंगशालामा बिहीवार ज्याक्सन इर्भिनले ५९ औं मिनेटमा गरेको गोल अस्ट्रेलियालाई जित दिलाउन पर्याप्त बन्यो ।
पहिलो खेलमा अस्ट्रेलियाले भारतलाई २–० ले पराजित गर्दा सिरिया उज्वेकिस्तानसँग गोलरहित बराबरीमा रोकिएको थियो ।
समूह चरणको पहिलो खेलमा अष्ट्रेलियाले भारतलाई २–० ले हराएको थियो । सिरियाले पहिलो खेलमा उज्वेकिस्तानसँग गोलरहित बराबरी खेलेको थियो ।
समूहको दोस्रो खेलमा बिहीवार साँझ ८ः१५ बजे भारत र उज्वेकिस्तानबीच प्रतिस्पर्धा भइरहेको छ ।
