०९ साउन २०८३, शनिबार
नेपाली कांग्रेसका सभापति शेरबहादुर देउवाले पार्टी एक भए अर्को चुनावमा बहुमतनजिक पुग्न सकिने बताएका छन् ।
पर्वत कांग्रेसको दोस्रो जिल्ला सम्मेलनलाई सम्बोधन गर्दै देउवाले बहुमत नभए पनि यसको हाराहारी मत ल्याउन सकिने बताएका हुन् ।
‘हामीले कांग्रेसलाई एक बनाएर अगाडि लानुपर्छ’, देउवाले भने, ‘हामी एकमत भएर अगाडि बढे कांग्रेसले एकल बहुमत ल्याउन नसके पनि यसकै हाराहारीमा मत ल्याउन सक्छ ।’
कांग्रेस ठूलो पार्टी भएको भन्दै निर्वाचनमा सबैले टिकट नपाए पनि चित्त बुझाएर पार्टीलाई सहयोग गर्नुपर्ने उनको भनाइ थियो ।
एक अर्काको खुट्टा तानेर सफल नहुने भन्दै उनले पार्टीलाई पहिलो बनाउन सबैले प्रयत्न गर्नुपर्ने बताए ।
‘हामी कांग्रेसहरू आफैंमा चुनौती छ । पार्टी ठूलो छ तर सबैले टिकट पाउँदैनन्’, देउवाले भने, ‘हामी पार्टीलाई समानुपातिक र समावेशीताको आधारमा मिलाएर जान तयार छौं । पार्टीकै चुनावमा पनि हामीले समावेशीतालाई आधार बनाउँछौं ।’
