नेकपा एमालेका अध्यक्ष केपी शर्मा ओलीले अखिलका कार्यकर्ता सार्वजनिक बसमा यात्रा गर्दा पनि चिनिने खालको हुनुपर्ने बताएका छन् । अखिलको कार्यकर्ता दयालु र हँसालु हुनुपर्ने उनले बताए ।

पार्टी निकट अखिलको केन्द्रीय समितिको विस्तारित बैठकलाई बुधवार पार्टी कार्यालय च्यासलमा सम्वोधन गर्दै ओलीले अखिल कार्यकर्ताको आचरण असल हुनुपर्ने बताएका हुन् ।

‘अखिलको विद्यार्थी कस्तो हुनुपर्छ भन्दा बसमा हिँड्दा पनि थाहा मान्छेले पाओस् बोलिचालि असल र ब्रिलियन्ट चेहरा । चेहरा भनेर रंगको कुरा गरेको होइन । हावट्स योर फेस रिफ्लेक्ट । त्यस्तो चेहरा मान्छेले चिन्छ, स्माइलियस र दयालु छ । यो अनेरास्ववियूको सदस्य होस् । धक्का मुक्का गर्ने, को सँग कुरा गरेको– म अखिलको पदाधिकारी हो कार्ड हेछौं ? भन्ने नहोस्’, विद्यार्थीलाई निर्देशन दिँदै ओलीले भने, ‘त्यस्तो बेला अखिलको परिचय किन दिनु । मान्छेले बानी बिग्रेको युवा रहेछ भन्छन् । कार्यबाट होइन त्यो परिचय व्यवहार र शैलीबाट होस् ।’

अखिलबाट राजनीति गरेका युवाहरू संसदमा पुगेर उदाहरणीय काम गरेको स्मरण गर्दै ओलीले उदाहरणीय बन्न अखिल कार्यकर्तालाई निर्देशन दिए ।