साउथ सुडान, २३ असोज- संयुक्त राष्ट्रसंघीय शान्ति मिसनका लागि साउथ सुडानस्थित रुम्बेकमा खटिएका करिब ७ सय नेपाली सेनालाई ७ लाख जनताको सुरक्षा जिम्मेवारी परेको छ, आजको राजधानी दैनिकमा खबर छ ।
विश्वको कान्छो मुलुक दक्षिण सुडानको राजनीतिक तनाव कम गर्ने उद्देश्यका साथ शान्ति मिसनका लागि खटिएको नेपाली सेनाले साउथ सुडानको रुम्बेकमा रहेको सो जनसंख्याको जिम्मेवारी वहन गरिरहेको छ । हाल रिपुमर्दन गणले सो जिम्मेवारी लिएको छ ।
दुई दशकभन्दा लामो गृहयुद्धपछि पाँच वर्षअघि मात्र स्वतन्त्र भएको दक्षिण सुडानमा राजनीतिक तनाव जातीय युद्धमा परिणत भएपछि सो देश विश्वकै सबैभन्दा असुरक्षित देश बन्न पुगेको थियो । त्यही असुरक्षित सिंगो देशको सुरक्षा नेपाली सेनाको जिम्मामा छ ।
