काठमाडौं, २३ असोज – अबसम्म स्पाइडरम्यान, सुपरम्यान तथा शक्तिमानजस्ता भूमिकामा त थुप्रै फिल्म बने तर अब इलेक्ट्रोनिक म्यानको भूमिकामा पनि यस्तै फिल्म बन्न सक्ने देखिन्छ । भारतको उत्तर प्रदेशको मुजफ्फनगरमा एक यस्ता व्यक्ति भेटिएका छन्, जसलाई ४ सय चालीस भोल्टको बिजलीको करेन्टले पनि केही असर गर्दैन । त्यो पनि विना कुनै सुरक्षा उपकरणका साथ ।
उनले विना कुनै सुरक्षाको उपकरणका साथ बिजुलीको नांगो तार छुन सक्छन् । त्यति मात्र होइन, यी व्यक्तिले चलिरहेको हिटरलाई पनि छुन सक्छन् । न त कुनै करेन्ट लाग्छ, न त यीनलाई ४ सय ४० भोल्टको करेन्टले छुन नै सक्छ ।
मूल रुपमा यी व्यक्तिले भारतको उत्तर प्रदेशको जनपद मुजफ्फरनगरको थाना सिविल लाइन क्षेत्रमा बस्ने नरेश कुमार आफ्नो यही अचम्मको कारणले गर्दा चर्चामा छन् । पोष्टमार्टम हाउसमा लाश चिर्न सहयोग गर्ने यी व्यक्तिले एकपटक बिजुलीबाट मृत्यु भएको युवाको लाश चिर्दै गर्दा लाशको झट्काले फालेको र त्यही दिनदेखि आफ्नो शरीरमा नयाँ परिवर्तन आएको बताउँछन् ।
त्यो घटनापछि नरेशमा जस्तोसुकै करेन्ट पनि सामान्य भएको छ । उनले अहिले बिजुलीको तार नांगो हातले नै छुने र काम गर्ने गरेका छन् ।
शुरुमा नरेशले भनेको कुरा कसैलाई पनि पत्यार लागेन तर पछि भने परिवारलाई पनि यो कुराको विश्वास लाग्न थाल्यो । अहिले भने नरेशका भाइ प्रमोद, छोरो सोनु र छोरी ज्योति बुबाको यो खुबीका कारण खुशी छन् । उनीहरु चाहन्छन् कि, नरेशले यही खुबीकै कारणले गर्दा आफ्नो नाम पूरै विश्वमा चिनाउन सकून् ।
