नेकपा माओवादी केन्द्रका अध्यक्ष तथा प्रधानमन्त्री पुष्पकमल दाहाल प्रचण्डले फागुन ३० गते विश्वासको मत लिने निश्चित भएको छ । उनले विश्वासको मत लिने प्रयोजनका लागि आइतबार संसद सचिवालयमा पत्राचार भएको छ । 

संघीय संसदका प्रवक्ता एकराम गिरीले प्रधानमन्त्री कार्यालयबाट पत्र प्राप्त भएको जानकारी दिँदै संघीय संसद सचिवालयले अब कार्यसूची तय गर्ने बताए । 
गत फागुन २१ गते प्रचण्डले एमालेलगायत दलहरुसँग नयाँ गठबन्धन बनाएपछि कांग्रेसले सरकारलाई दिएको समर्थन फिर्ता लिएको थियो ।  संवैधानिक व्यवस्थाअनुसार एक महिनाभित्र विश्वासको मत लिनुपर्नेै भएपछि प्रचण्डले आवश्यक प्रक्रिया अघि बढाएका हुन् । गठबन्धनमा आवश्यक बहुमत रहेकाले प्रचण्डले विश्वासको मत पाउने पनि पक्कापक्की छ ।