२५ जेठ २०८३, सोमबार
कोशी प्रदेश खेलकुद विकास बोर्डको उपाध्यक्षमा बिन्दिया कार्की नियुक्त भएकी छिन् ।
आज बसेकाे कोशी मन्त्रिपरिषद् बैठकले बोर्डको उपाध्यक्षमा कार्कीलाई नियुक्त गर्ने निर्णय गरेको हो ।
यसअघि नियुक्त भएकी उपाध्यक्ष जिनाजङ्ग कार्की अमेरिका गएपछि उनको ठाउँमा बिन्दियालाई नियुक्त गरिएको हो ।
यस्तै मन्त्रिपरिषद्को बैठकले बोर्डको सदस्यमा मदन खड्का र गौरीमान राईलाई नियुक्त गर्ने निर्णय गरेको स्वास्थ्य मन्त्री प्रदीप सुनुवारले जानकारी दिए ।
बिन्दिया अघिल्लो कार्यकालकी प्रदेश सभा सदस्य हुन् । उनी कांग्रेस नेता ज्ञानेन्द्र कार्की निकट मानिन्छिन् ।
केन्द्रमा गठबन्धन परिवर्तन भएपछि जिनाजङलाई राजीनामा गराएर बिन्दियालाई नियुक्त गरिएको बुझिएको छ ।
बैठकले आर्थिक मामिला तथा योजना मन्त्रालयको वित्तीय समानीकरण अनुदान निर्धारण गरी बाँडफाँट गर्ने, बेरुजू न्यूनीकरण तथा फर्छ्यौटसम्बन्धी कार्यविधि २०८० स्वीकृत गर्ने निर्णय गरेको छ ।
सामाजिक विकास मन्त्रालय र आर्थिक मामिला तथा योजना मन्त्रालयमा विकास साझेदार पोर्टल ‘डीपी पोर्टल’ प्रयोगमा ल्याउने निर्णय भएको मन्त्री सुनुवारले बताएका हुन् ।
