विश्व भोकमरी सूचकमा भारतको अवस्था उत्तर कोरिया, म्यान्मार, श्रीलङ्का र बंगलादेशभन्दा पनि नराम्रो अवस्थामा रहेको रिपोर्ट सार्वजनिक भएको छ ।
संसारभरीका विकासशील देशमा भोकमरीको समस्यामा इन्टरनेशनल फूड पोलिसी रिसर्च इन्स्टिच्यूटको तर्फबाट केही समयअघि जारी गरिएको रिपोर्टमा १ सय १९ देशमा भारत सयौं नम्बरमा रहेको टाइम्स अफ इण्डियाले जनाएको छ ।
एसियाली मुलुकमध्ये भारत अफगानिस्तान र पाकिस्तानभन्दा अगाडि छ । पछिल्लो वर्ष ९७ औं स्थानमा रहेको भारत यसवर्ष तीन स्थान ओरालो लागेको हो । बाल कुपोषणले यो स्थितीलाई थप बढाउन सहयोग गरेको उक्त रिपोर्टमा बताइएको छ ।
भोकमरि सूचनले विभिन्न देशमा मानिसहरुले खानेकुरा कसरी र कति पाउँछन् भन्ने अध्ययन गर्छ ।
‘ग्लोबल हंगर इन्डेक्स’ को सूचांक हरेक वर्ष ताजा आँकडासहित सार्वजनिक गरिन्छ । यो सूचांकमार्फत विश्वभरी भोकमरी चलिरहेको अभियानको उपलब्धि र विफलतालाई दर्साउने गर्दछ ।
