काठमाडौं, २७ असोज– बाबुराम भट्टराई नेतृत्वको नयाँ शक्तिले चुनाव चिह्न सूर्य लिएर चुनाव नलड्ने तयारी गरेको छ । वाम गठवन्धबाटसमेत वाहिरिएर चुनावी प्रतिस्पर्धामा जाने नयाँ शक्तिको तयारी छ ।
नयाँ शक्ति पार्टी नेपालको संघीय सचिवालयको विस्तारिक वैठकमा उपस्थित अधिकांश सदस्यले नेतृत्वले सम्मानजनक हैसियत नपाए गठवन्धनमा नजान सुझाव दिएका छन् भने आफ्नै चुनाव चिह्न लिएर मैदानमा उत्रनुपर्ने राय राखेका छन् ।
बैठकमा पार्टी संयोजक बाबुराम भट्टराईले वाम गठवन्धनमा भएको छलफल र प्रगतिबारे जानकारी सहित सुझाव मागेका थिए ।
आफ्ना विचार राख्ने अधिकांश सदस्यहरुले सम्मानजनक हैसित नभए गठवन्धनमा नवस्न सुझाव दिएका छन् । अझै केही सहभागीले आफ्नो विचार राखिरहेको कारण आजै अबेर यसबारेमा निर्णय हुने र सूर्य चिह्न लिएर चुनाव लड्नेसहित वाम गणवन्धनबाट बाहिरिने निर्णय हुने नयाँ शक्तिका एक नेताले जानकारी दिए ।
