वैदेशिक  रोजगारीका  नाममा  ठगी  गर्नेहरू  विदेशमा गएर लुक्ने प्रवृत्ति बढेसँगै सरकारले त्यस्ता अभियुक्तलाई इन्टरपोलमार्फत खोजी कार्य तीव्र पार्दै आएको छ । 

 वैदेशिक  रोजगार  विभागले  पछिल्लो  समयमा  वैदेशिक रोजगारीमा हुुने ठगीका घटना बढ्न थालेपछि त्यस्ता  अपराधीलाई  विदेशबाट  पक्राउ  गरी  कारबाही  अघि बढाउन थालेको हो ।

वैदेशिक  रोजगारी  कसुरका  उजुरी  र  त्यसका  अभियुक्तले  गर्ने  योजनामा  समेत  परिवर्तन  हुन  थालेपछि  विभागले  विदेशबाट  समेत  अभियुक्तलाई  पक्राउ गर्ने योजना अघि बढाएको छ ।

नेपालमा युवाबाट रकम उठाउने र रकम सङ्कलन गरेर विदेश भाग्ने गरेका कारण पीडितले समयमा न्याय पाउन सकेका छैनन् । विभागका   महानिर्देशक   डण्डुुराज   घिमिरेले   विभागले नेपालमा ठगी गरेर संयुक्त अरब इमिरेट्स (युएई) मा लुकेर बसेका एक जना अभियुक्तलाई नेपाल ल्याएर  कारबाही  गरेको  जानकारी  दिए । गोरखापत्रमा खबर छ ।