२९ जेठ २०८३, शुक्रबार
सरकारले मध्यपहाडी लोकमार्गलाई समृद्धि करिडोरको रूपमा विकास गर्ने घोषणा गरेको छ ।
संसद्को संयुक्त बैठकलाई सम्बोधन गर्दै राष्ट्रपति रामचन्द्र पौडेलले मध्यपहाडी लोकमार्गलाई समृद्धि करिडोरको रुपमा विकास गर्न लागिएको घोषणा गरेका हुन् ।
‘मध्य पहाडी लोकमार्गलाई समृद्धि करिडोरका रूपमा विकास गर्ने गर्ने सरकारको तयारी छ । यसको लागि दूरसञ्चार, शिक्षा, स्वास्थ्य, पर्यटन, खानेपानी र पर्यटनका पूर्वाधारको व्यवस्था गरिनेछ । यी क्षेत्रमा उत्पादन रोजगारी सिर्जना पनि गरिनेछ’, आगामी आर्थिक वर्षको नीति तथा कार्यक्रममा भनिएको छ ।
साथै सरकारले पूर्व पश्चिम राजमार्ग, हुलाकी राजमार्गको स्तोन्नित गर्ने पनि घोषणा गरेको छ ।
त्यस्तै, कोशी, कर्णाली करिडोर खण्डमा १२ महिना यातायातका साधन चल्न सक्ने गरी पूर्वाधार विकास गरिने घोषणा सरकारको छ ।
रणनीतिक महत्वका महाकाली, भेरी करिडोरसहितलाई प्राथमिकतामा राखेको घोषणा सरकारको छ ।
राष्ट्रिय वन तथा निकुञ्जमा वन्यजन्तुमैत्री सडक बनाइने घोषणा पनि सरकारले गरेको छ ।
