०४ साउन २०८३, सोमबार
भारतमा जारी लोकसभा चुनावअन्तर्गत पाँचौं चरणको मतदान आज बिहान ७ बजेबाट शुरू भएको छ । यस चरणमा ६ राज्य र दुई केन्द्र शासित प्रदेशका ४९ लोकसभा सीटमा मतदान भइरहेको बीबीसी हिन्दीले जनाएको छ ।
पाँचौं चरणमा कांग्रेस अध्यक्ष राहुल गान्धी, रक्षामन्त्री राजनाथ सिंह, केन्द्रीय मन्त्री स्मृति इरानी, जम्मू कश्मीरका पूर्वमुख्यमन्त्री उमर अब्दुल्लासहित कुल ६९५ उम्मेदवार मैदानमा छन् ।
यस चरणमा मतदान हुने राज्य र केन्द्र शासित प्रदेशहरू बिहार, झारखण्ड, महाराष्ट्र, ओडिशा, उत्तर प्रदेश, पश्चिम बंगाल, जम्मू कश्मीर, लद्दाख हुन् ।
कांग्रेसका राहुल गान्धी उत्तर प्रदेशको रायबरेली सिटबाट चुनाव लडिरहेका छन् । उनी केरलाको वायनाड सिटबाट पनि चुनावी मैदानमा छन् । रायबरेली सिटलाई नेहरू गान्धी परिवारको परम्परागत सिट मानिन्छ ।
सोनिया गान्धी सन् २००४ देखि लगातार रायबरेलीबाट सांसद हुन् ।
