२५ जेठ २०८३, सोमबार
काठमाडौं, २ कात्तिक — चीनका राष्ट्रपति सी चिनफिङले बेइजिङ संवादमार्फत छिमेकी मुलुकहरूसँगको विवाद सुल्झाउन तयार रहेको बताएका छन् ।
तर आफ्नो रणनीतिक हितलाई चाहिँ चीनले सम्झौता नगर्ने उनले बताए ।
भारतसँग हालै भएको दोक्लम विवाद र दक्षिण चीन सागरमा उठेको विवादलाई सीले लक्षित गरेको विश्लेषण भइरहेका छन् ।
सीले यो बयान सत्तारूढ कम्युनिस्ट पार्टीको महाधिवेशनका क्रममा दिएका हुन् । यो महत्त्वपूर्ण बैठकको शुरुवात गर्दै सीले यो कुरा बताएका हुन् ।
यो बैठकले आगामी पाँच वर्षका लागि सीको कार्यकालको रूपरेखा तय गर्छ । सी नै दोस्रो कार्यकालका लागि छानिने प्रबल सम्भावना छ ।
पाँच वर्षमा एकचोटि हुने महाधिवेशनमा साढे तीन घन्टा भाषण दिँदै सीले जनमुक्ति सेनालाई विश्वस्तरको सेना बनाउन आफू प्रतिबद्ध रहेको समेत बताए ।
सीले कम्युनिस्ट पार्टी अफ चाइनाको समाजवादी संरचनालाई कायम राख्दै त्यसलाई बलियो बनाउने कुरामा पनि जोड दिए ।
छिमेकी मुलुकहरूसँगको सम्बन्धमा बोल्दै सीले चीन कहिले पनि विस्तारवादी काममा संलग्न नहुने र चीनको विकासको स्तर जति माथि पुगेपनि त्यसले छिमेकीलाई खतरा नहुने बताए ।
एक साता चल्ने यस बैठकमा पार्टीको विधान संशोधन गरिनेछ ।
एजेन्सी
