११ साउन २०८३, सोमबार
पोल्यान्डका कप्तान रोबर्ट लेवान्डोस्कीले युरोपियन च्याम्पियनसिप (युरोकप) फूटबल प्रतियोगिताको पहिलो खेल गुमाउने भएका छन् ।
मंगलवार युरोकपको तयारीस्वरुप टर्कीविरुद्ध खेलिएको मैत्रीपूर्ण खेलमा स्ट्राइकर लेवान्डोस्की घाइते भएका थिए । सो खेलमा बार्सिलोनाबाट व्यावसायिक फूटबल खेल्ने उनले ३३ मिनेटमा मैदान छाडेका थिए ।
लेवान्डोस्कीको मांसपेशीमा समस्या देखिएको पोल्यान्ड फूटबल संघले जनाएको छ ।
उनी घाइते हुनका बाबजुद सो खेल पोल्यान्डले २–१ गोल अन्तरले जितेको थियो ।
पोल्यान्डले आइतवार नेदरल्यान्ड्ससँग खेल्दै प्रतियोगिताको शुरूवात गर्नेछ । यो खेलमा कप्तान लेवान्डोस्की उपलब्ध नहुने भएका हुन् ।
यसपछि पोल्यान्डले जनु २१ मा अस्ट्रिया र जुन २५ मा फ्रान्सको सामना गर्नेछ ।
युरोकप यही जुन १५ देखि जर्मनीमा शुरू हुँदैछ ।
