मदिरा सेवन गरेर हल्ला गरेपछि उड्न लागेको जहाजबाट फर्काइए राजेशपायल

दुबई जान लागेका गायक राजेशपायल राईले मदिरा सेवन गरेर जहाजमा होहल्ला गरेपछि घर फिर्ता पठाइएको छ । 

आज मध्याह्न फ्लाई दुबईको विमानमार्फत् दुबई जान लागेका उनले जहाज चढिसकेपछि होहल्ला गरेका थिए ।

जहाजमा होहल्ला र ​एयरलाइन्सका कर्मचारीसँग झगडा गरेपछि उनलाई फिर्ता पठाइएको विमानस्थल अध्यागमन कार्यालयका प्रमुख सुरेश पन्थीले बताए । 

राईले अत्यधिक मदिरा सेवन गरेर एयरलाइन्सका कर्मचारीसँग झगडा गरेको आरोप छ । 

जहाज उनलाई नलिई अरु यात्रु लिएर उडिसकेको छ । राईलाई प्रहरीले ट्याक्सीमा हालेर घर पठाइदिएको छ ।