चीनको इलेक्ट्रिक कार निर्माता बीवाईडीले हालै सिंगापुरमा आफ्नो नयाँ इलेक्ट्रिक सेडान सील सार्वजनिक गरेको छ ।

१०० किलोवाट मोटर भएको यो गाडी विशेषगरी श्रेणी 'ए' को सर्टिफिकेट अफ इन्टाइटलमेन्टका लागि उपयुक्त छ रहेको कम्पनीको दाबी छ ।

यो सिंगापुरका उपभोक्ताहरूको लागि सुलभ र आकर्षक विकल्प रहेको कम्पनीले जनाएको छ ।

यसको डिजाइन आकर्षक र आधुनिक छ, जसमा एडभान्स्ड ब्याट्री टेक्नोलोजी प्रयोग गरिएको छ । यसमा ८२ दशमलव ५ किलोवाट क्षमताको ब्याट्री छ, जसले ५३० किलोमिटर सम्मको ड्राइभिङ रेन्ज प्रदान गर्न सक्छ ।

यो गाडीले २०४ हर्सपावर र ३१० न्युटनमिटर टर्क उत्पन्न गर्न सक्छसाथै, यो गाडी ७ दशमलव ५ सेकेन्डमा शून्य देखि १०० किलोमिटर प्रतिघन्टाको स्पीडमा पुग्न सक्छ ।​

सिंगापुरको बजारमा प्रवेश गर्नुअघि सीलले अन्य बजारहरूमा पनि राम्रो प्रतिक्रिया पाइसकेको छ । यो गाडी विशेष गरी पर्यावरणीय दृष्टिकोणले लाभदायक छ, किनभने यसले शून्य उत्सर्जन गर्दछ ।

यसमा एडभान्स्ड सेफ्टी फिचर्स पनि समावेश रहेको कम्पनीको दाबी छ, जसले चालक र यात्रुहरूको सुरक्षा सुनिश्चित गर्दछ ।​

बीवाईडीले आफ्नो नयाँ मोडललाई सिंगापुरको बजारमा प्रतिस्पर्धात्मक मूल्यमा ल्याएको छ । यो गाडी स्थानीय उपभोक्ताहरूको लागि किफायती र आकर्षक विकल्प बन्न सक्ने अनुमान गरिएको छ ।

यसले सिंगापुरको इलेक्ट्रिक भेइकल बजारमा थप विविधता र प्रतिस्पर्धा ल्याउने अपेक्षा गरिएको छ ।