असार १५ को अवसरमा आयोजना हुने धान रोपाइँ महोत्सवमा सहभागी हुन प्रधानमन्त्री पुष्पकमल दाहाल 'प्रचण्ड' शुक्रबार चितवन पुगेका छन् ।

शनिबार चितवनको बछौलीमा धान रोपाई महोत्सव हुँदैछ ।

कृषि विभागले यसपटकको धान रोपाइँ महोत्सव प्रधानमन्त्री प्रचण्डको गृहजिल्ला चितवनमा राखेको छ ।

प्रचण्डसँगै कृषि मन्त्री ज्वाला कुमारी साहलगायत मन्त्रालयका अधिकारीहरू पनि चितवन पुगेका छन् ।

पहिलो पटक काठमाडौं बाहिर धान रोपाइँको औपचारिक कार्यक्रम हुन लागेको विभागका महानिर्देशक नरहरि घिमिरेले जानकारी दिए ।