राष्ट्रिय स्वतन्त्र पार्टी (रास्वपा)ले कारबाही गरेका महामन्त्री डा. मुकुल ढकालले रास्वपा रवि लामिछाने क्लबमा हाइज्याक भएको टिप्पणी गरेका छन् ।

आफूमाथि गरिएको कारबाही गैरकानूनी भएको उनले बताए ।

पार्टीले कारबाही गरेपछि बुधबार काठमाडौंमा पत्रकार सम्मेलनको आयोजना गरी ढकालले रास्वपा पार्टीभन्दा रवि लामिछाने क्लबमा परिणत भएको बताएका हुन् ।

‘रास्वपा रवि लामिछाने क्लबमा हाइज्याक भएको छ । रवि लामिछाने क्लबबाट निस्कासन भएको हुँ, कानूनी रूपमा पार्टी महामन्त्री म नै छु,’ ढकालले भने ।

ढकालले आफूलाई गरिएको निलम्बनको प्रक्रिया राजनीतिक दलसम्बन्धी ऐन र रास्वपाको विधानविपरीत भएको दाबी गरे ।

‘स्पष्टीकरणका लागि दिइएको समय अगावै मलाई कारबाही गरिएको छ, यो स्वतः गैरकानूनी हो,’ ढकालले भने ।