१५ असार २०८३, सोमबार
बागमतीका प्रदेश प्रमुख यादवचन्द्र शर्माले बागमती प्रदेश सभाबाट पारित भएका अर्थसम्बन्धी दुई विधेयक प्रमाणीकरण गरेका छन् ।
उनले प्रमाणीकरण गरेका विधयेकमध्ये आव २०८१/०८२ को सेवा र कार्यका लागि प्रदेश सञ्चित कोषबाट रकम विनियोजन र खर्च गर्ने सम्बन्धमा व्यवस्थापन गर्न बनेको विधेयक र प्रदेश सरकारको अर्थसम्बन्धी प्रस्ताव कार्यान्वयन गर्न बनेको विधेयक, २०८१ रहेको प्रदेश प्रमुख सचिवालयका प्रवक्ता गोविन्दप्रसाद पौडेलले जानकारी दिए ।
ती दुई विधेयक प्रदेश प्रमुख शर्मासमक्ष प्रमाणीकरण गर्न प्रदेश सभाका सभामुख भुवनकुमार पाठक र प्रमुख सचिव कृष्णहरि खड्काले हस्ताक्षरगरी पठाएका थिए ।
प्रदेश प्रमुख शर्माले दुवै विधेयक आइतबार प्रमाणीकरण गरेका प्रदेश सभा सचिवालयका सचिव पूर्णबहादुर दर्जीले जानकारी दिए ।
