०५ साउन २०८३, मंगलबार
पोर्चुगलका लागि पूर्व नेपाली राजदूत शनिल नेपाल स्पेनका लागि नयाँ नेपाली राजदूतमा सिफारिस भएका छन् ।
सोमवार बसेको मन्त्रिपरिषद् बैठकले पाल्पा स्थायी ठेगाना भएका नेपाललाई स्पेनका लागि राजदूत सिफारिस गरेको एक मन्त्रीले लोकान्तरलाई जानकारी दिए ।
मन्त्रिपरिषद् बैठकले विभिन्न १८ देशका लागि राजदूत सिफारिस गरेको छ ।
पुष्पकमल दाहाल प्रचण्ड नेतृत्वको सरकारको सिफारिसमा नेपाल २०८० माघ २६ गते पोर्चुगलको लागि नेपाली राजदूत नियुक्त भएका थिए ।
प्रचण्डले कांग्रेससँगको सहकार्य तोडेर एमालेसँग समीकरण बनाएपछि सरकारले उनीसहित ११ राजदूतलाई फिर्ता बोलाएको थियो ।
कांग्रेस एमाले समीकरण बनेपछि उनी पुनः राजदूतमा सिफारिस भएका छन् ।
शनिल उमेरले कान्छो राजदूत बन्दैछन् । पोर्चुगलको लागि नेपाली राजदूत बन्नुअघि उनी विभिन्न अन्तर्राष्ट्रिय संस्थामा काम गरेका थिए ।
संसदीय सुनुवाइ समितिले अनुमोदन गरेपछि उनी राजदूत नियुक्त हुनेछन् ।
पहिलो पटक राजदूत सिफारिस हुँदा उनी संसदीय सुनुवाइ विशेष समितिबाट सर्वसम्मत अनुमोदन भएका थिए ।
