२५ जेठ २०८३, सोमबार
अघिल्लो दिन मंगलबार १४५ अङ्कले घटेको शेयर बजार बुधबार १०८ अङ्कले बढेको छ ।
'बाउन्स ब्याक' गर्ने क्रममा नेप्से परिसूचक १०८.३५ अंकले बढेर २७५९.६७ बिन्दुमा कायम भएको छ ।
यस दिन बजारमा ३ करोड ८० लाख ४१ हजार २६७ कित्ता शेयर खरिदबिक्री हुँदा १७ अर्ब ९५ करोड ९ लाख १८ हजार रुपैयाँको कारोबार भएको छ ।
अघिल्लो दिन मंगलबार मात्रै २३ अर्ब ७१ करोड ६७ करोड रुपैयाँको कारोबारले शेयर बजारमा नयाँ रेकर्ड कायम गरेको थियो ।
यस दिन शेयर बजारमा ५ करोड ३८ लाख ४४ हजार २३७ कित्ता शेयर खरिदबिक्री हुँदा २३ अर्ब ७१ करोड ६७ लाख १६ हजार रुपैयाँको कारोबार भएको थियो ।
आज करिब एक दर्जन कम्पनीहरूको शेयर सर्किट लेबलमा कारोबार भएको छ ।
बोटलर्स नेपाल बालाजु, गुडविल फाइनान्स, समृद्धि फाइनान्स, प्रोग्रेसिभ फाइनान्स, नेपाल रिइन्स्योरेन्स, मैलुङखोला जलविद्युत कम्पनी, डोल्टी पावर कम्पनी, सिटी होटल्स, हिमालयन रिइन्स्योरेन्स र सेन्ट्रल फाइनान्सको शेयर सकारात्मक सर्किट लेभलमा कारोबार भएको हो ।
बुधवार कारोबारका आधारमा हिमालयन रिइन्स्योरेन्स १ अर्ब ५३ करोड ५३ लाख ६० हजार रुपैयाँसहित शीर्ष स्थानमा रहेको छ ।
