काठमाडौं १२ कात्तिक– मतपत्र छपाइ सम्बन्धी सर्वोच्च अदालतको पछिल्लो आदेशपछि निर्वाचन आयोग कानूनी परामर्शमा जुटेको छ । अदालतको लिखित आदेश अदालतमा पुगेपछि परामर्श शुरु गरिएको आयोगका एक अधिकारीले जानकारी दिए ।

सर्वोच्चले गएको बुधवार प्रदेश र प्रतिनिधि सभाको प्रत्यक्ष तर्फको छुट्टा छुट्टै मतपत्र छाप्ने बिषयमा के कति प्रगती भएको छ भन्नेवारे आयोगसंग जवाफ माग गरेको थियो । एउटै मतपत्रमा छुट्टा छुट्टै मतपत्र छाप्ने तयारी गरेको आयोग सर्वोच्चको फैसला पछि कसरी अगाडी बढ्ने भन्ने छलफलमा जुटेको हो ।

यसअघि आयोगले शुक्रवारदेखि नै मतपत्र छपाइको काम शुरु गर्ने बताएको थियो । आयोगले पतपत्रको नमुना जनक शिक्षा सामग्री केन्द्रलाई दिएपनि मतपत्र छपाइ भने अझै शुरु हुन सकेको छैन् ।

सर्वोच्चले छुट्टा छुट्टै मतपत्र छपाइको प्रतगि तीन दिनभित्र जानकारी गराउन आयोगलाई भनेको थियो । मतपत्र छपाइ सम्बन्धमा भएको तयारीबारे आयोगले सर्वोच्चलाई लिखित जानकारी पठाउने तयारी गरेको छ ।

नेकपा एमाले र माओवादी केन्द्रले भने मंसिर १० र २१ का लागि निर्धारित निर्वाचन कार्यतालिका प्रभावित हुन नहुने बताउँदै आएका छन् ।